| Forlagets omtale: |
Hevdslova er eit destillat av over hundre år med norsk tingsrettspraksis. Lova er eit føredøme på korleis ei lov skal skrivast – ein skriv ikkje lover på denne måten lenger. Det har gått full hevdstid sidan fyrsteutgåva av denne boka vart gjeven ut. Sjølv om tingsretten ikkje endrar seg i ekspressfart, har det likevel kome til ein del relevant høgsterettspraksis om hevd og tilgrensande emne dei siste 20 åra. Boka gjev ei samla framstilling av hevdsreglane. Ut frå det praktiske føremålet er også tilhøvet til andre, liknande reglar samt nokre relevante prosessuelle spørsmål handsama. Målgruppa er alle som kjem i kontakt med hevd og liknande reglar. Framstillinga er à jour med rettspraksis per 1. oktober 2025.
Omtale levert av Den norske Bokdatabasen® |