| Forlagets omtale: |
Ti til femten minutt nokre gonger i døgeret endra dei søvnige kystbygdene seg frå å vere søvnige, til å bli sydande metropolar med trafikk, roping og lått. Det var noko fasinerande og nesten magisk over dei minutta dette varte. Kapteinen stod på brua og fylgde vaktsamt med. Matrosar kasta trossa. På kaien stod dei som hadde noko med det og tok i mot. Det dura i maskinen. Det skumma og fossa rundt propellar. Luker opna seg, og varer og etterlengta bysaker hang og dingla i lause lufta. Det var meistring, orden, autoritet og plan. Det var roping, leven, lastebilar og mopedar. Det var ein ny forstilling kvar dag som alltid blei avslutta med at skipet bakka ut og sette kurs for neste stoppestad. Og då var det over. Då var vegen ut kutta heilt til neste gong skipet helsa med fløyta og la til kai. Dette er historia om sju skip. Me følgjer dei heilt frå dei kom frå verftet i Chicago i 1943, gjennom krigsår i Middelhavet og langs kysten av Vest-Afrika. Til opplag i Sheerness, ombygging og ei lang teneste som ruteskip i Noreg. For nokre av skipa er historia avslutta fordi dei er plukka frå kvarandre på skrotverftet, eller har lagt seg til ro på sjøbotnen. Andre siglar framleis ein eller annan stad i verda, der nokon enno ser nytte i eit 63 år gamalt skip.
Omtale levert av Den norske Bokdatabasen® |