| Innhold: | ----------------------------------------------------------------------------------------------------
Dette er publiserte versjonen av artikkelen Aas, S. (2015). Gjenreisningsbyen Bodø. Ein omstridt byplan sosialdemokratiet gjorde til sin. Årbok / Fortidsminneforeningen: Brann og bypanlegging, 165-184.
Då Noreg kapitulerte 10. juni 1940 var over 20 byar og tettstader sterkt eller delvis lagt i ruinar. Bodø var ein av dei, og vi skal sjå nærmare på denne byen i det følgjande. Korleis arta gjenreisingsprosessen seg, og kva var særleg utfordringane? Artikkelen skal også røre ved oppfatningane som verserer om byens karakter, særleg knytt til koplinga mellom gjenreising og ideologi. Vart byen forma av nasjonalsosialistiske, tyske ideal, eller meir allmenne strømmingar? Og korleis vart planane for Bodø behandla etter den sosialdemokratiske tidsalderen sitt inntog i 1945?
---------------------------------------------------------------------------------------------------- |