| Innhold: | Artikkelen tek føre seg skiljet mellom kva mineral som høyrer til staten, og kva mineral som høyrer til grunneigar. Dette er eit grunnleggjande spørsmål i bergverksretten, eller om ein vil mineralretten. Omgrepet «malm» dannar utgangspunkt for grensedraginga både i lova i dag, og er også viktig i eldre reguleringar og andre kjelder. Ei god forståing av kva ein har lagt i dette omgrepet opp gjennom tida er derfor viktig. Spørsmålet er aktuelt i samband med nye utvinningar på minerala til staten, der det blir reist spørsmål om kor langt grunneigar kan ha rettar også i desse prosµjekta med grunnlag i eigedomsretten. Forfattaren tek til ordet for at det framleis er dei særlege reglane i minerallova, og forståinga av desse som dannar utgangspunktet for å trekkje grensene for kva ressursar som fell i dei ulike mineralkategoriane. |