| Innhold: | EMK artikkel 9 fastsett at retten til å utøva trua si («manifest his religion or belief») er ein grunnleggjande menneskerett. Det same kan hevdast å følgja av Grunnlova § 16 («fri religionsutøving»). For å fastsetja bruksområdet til desse føresegnene, kan det bli eit spørsmål om kva typar åtferd som er som trusuttrykk eller som trusutøving å rekna. Når vil til dømes det å nekta å overhalda lovfastsette plikter, som å gjera militærteneste eller betala skatt, vera trusutøving, slik at EMK artikkel 9 kan gjerast gjeldande? Artikkelen går gjennom norsk og internasjonal rettspraksis om bruksområdet til EMK artikkel 9 og Grunnlova § 16, og utforskar kva retningsliner og moment som er av særskilt betyding når rettsbrukaren skal ta stilling til om åtferda i ei konkret sak er som trusutøving å rekna.
Nøkkelord: Trusfridom, EMK artikkel 9, Grunnlova § 16, bruksområde, obligatorisk vaksinasjon |